من طرف المهندس الأربعاء يونيو 15, 2011 12:02 amبسم الله الرحمن الرحيم
من المعروف أنو الفلاش ديسك أو الفلاشة هي الناقل الأفضل و الأكثر انتشاراً للفيروسات ..
هنا كيفية وضع حماية للفلاش ديسك من أجل حماية أنفسنا من 90% من حالات النقل . ..
بداية لا يمكن الحفاظ على الفلاش ديسك خالياً من الفيروسات ..
مهمتنا هنا هي جعل الفلاش ديسك لا ينقل الفيروسات تلقائياً :
بداية من الأفضل تحويل نظام الملفات على الفلاشة إلى NTFS و يتم ذلك كالتالي :
بعد ما منوصل الفلاشة منفتح جهاز الكمبيوتر و منشوف شو الحرف تبعها .. مثلا عندي طلع :M
من إبدأ > تشغيل run > نكتب CMD ثم انتر . .
بيطلع عنا الدوز تبع الويندوز ..
اول شي منفحص الفلاشة :
منكتب :
chkdsk m: /f
ثم انتر
بيفحص و بس يخلص منكتب :
convert m: /fs:ntfs
منتابع معو و بس يخلص بتكون الفلاشة صارت NTFS
السبب أنو الـ NTFS بيدعم برنامج الـ cacls منشان قفل المجلدات و الـ FAT ما بيدعم
بس هلأ ما رح تشتغل الفلاشة على السيارة ..! ههههههه
بعد ما صارت الفلاشة NTFS منعمل مجلد باسم autorun.inf و يفضل عن طريق الدوز
نكتب :
md autoun.inf
هلأ منعملو مخفي .. كمان بالدوز
منكتب :
attrib autorun.inf +h +s
يعني عملو ملف نظام (S) و مخفي (H)
هلأ منقفلو .. نكتب :
cacls autorun.inf /p administrator:n
بيسألنا : Are you sure
منكبس Y و بعدين انتر
منجرب المجلد الجديد اللي عالفلاشة و لازم يكون ما فينا نحذفوا أو نفتحوا ..
هيك بتكون الفلاشة صارت ما بتنقل فيروسات ..
الشرح :
الطريقة الوحيدة لانتقال الفيروسات مباشرة بدون تدخل المستخدم هي عن طريق التشغيل التلقائي و التشغيل التلقائي بكون مكتوب بملف نصي اسمو Autorun.inf موجود على سطح الفلاشة أو القرص أو السيدي .. و لما بيجي الفيروس بيقوم بيستبدل الملف القديم بملف من عندو مكتوب فيه تشغيل الفيروس ..
من المعروف انو ممنوع يكون في ملفين بنفس الاسم في المكان الواحد لذلك لما منعمل مجلد باسم Autorun.inf بيصير ممنوع يكون في ملف بالاسم نفسو يعني autorun.inf و أيضا في شغلة مهمة كتير .. لما منحاول ننسخ ملف بهذا الاسم ما بيسألنا إذا تريد الاستبدال بل بيطلع رسالة خطأ أنو لا يمكن الكتابة و الرص محمي و هيك شغلات
هيك الفيروس ما رح يقدر يعمل ملف الـ autorun.inf .. و عالفلاشة هذا مجلد مو ملف لذلك النظام ما بينفذ شي ! .. و منكون وقفنا التشغيل التلقائي على هذه الفلاشة ..
ملاحظة :
لا يمكن فك قفل المجلد بسهولة .. و حصراً لازم تكون على نفس نسخة النظام و على نفس المستخدم و إلا الحل الوحيد انو نعمل فورمات للفلاش لحتى يروح هذا المجلد ..
بعض الفيروسات بتكون مدمجة ضمن أي ملف تنفيذي عالفلاشة ( متل مثلا برنامج تنصيب الجيت أوديو أو غيرو ) .. هدول ما بيشتغلو لوحدهن إلا إذا شغلنا البرنامج بإيدنا .. لذلك من الأفضل وجود مضاد فيروسات موثوق منشان نكون متأكدين من الفلاشة أنو ما فيها فيروسات
و لكن فينا نضمن هلأ أنو الفلاشة ما رح تنقل الفيروس لعندنا بسبب التشغيل التلقائي ..
إن شاء الله يكون الجميع استفاد ..
» مواد بناء وتشطيب من مصانع الصين لبيتك 008615011961687
» مواد بناء وتشطيب من مصانع الصين لبيتك 008615011961687
» أنواع الصحف الحائطية
» كيفية عمل صحيفة الحائط
» أنواع الصحف المدرسية
» كيفية إعداد صحيفة حائط متميزة
» نموذج اختبار كادر المعلم ( اعلام تربوى )
» الإعلام التربوي